រកឃើញហើយកំពូលតារាស្រីដែលល្បីជាង​គេ​បំផុត​នៅ​កូរ៉េ​ប្រចាំ​ខែ ឧសភា ឆ្នាំ ២០១៧ នេះ

មជ្ឈមណ្ឌលកិត្តិសព្ទកូរ៉េបានធ្វើការសិក្សាទិន្នន័យរបស់ដែលទទួលបានពីក្រុមហ៊ុនដែលតារាស្រីៗជាច្រើនជ្រកកោណចំនួន ៥០ ដើម្បីចងក្រងជាបញ្ជីឈ្មោះតារាស្រីដែលមានឥទ្ធិពល និងល្បីល្បាញបំផុតប្រចាំខែ ឧសភា នេះ។ ទិន្នន័យនេះត្រូវបានមជ្ឈមណ្ឌលខាងលើចាប់ផ្តើមប្រមូលតាំងតែពីថ្ងៃទី ២៥ ខែ មេសា រហូតដល់ថ្ងៃទី ២៦ ខែ ឧសភា នេះ។ ក្រោយការសិក្សាស្រាវជ្រាវដាក់ពិន្ទុ លទ្ធផលដែលទទួលបានគឺ៖

1 - Seolhyun - 361,341 ពិន្ទុ
ពិតជាគ្មានអ្វីគួរឱ្យភ្ញាក់ផ្អើលនោះទេ ព្រោះម្ចាស់ក្សត្រីដែលល្បី និងគ្រងដែននៃការថតស្ពតពាណិជ្ជកម្មរូបនេះស្ថិតនៅលំដាប់លើគេបង្អស់ ព្រោះមានក្រុមហ៊ុនមិនតិចទេដែលបានចុះកុងត្រាឱ្យនាងថតស្ពតឱ្យ។

2 - IU - 357,002 ពិន្ទុ
ទាំងការចេញអាល់ប៊ុម និងការថតស្ពតពាណិជ្ជកម្ម ធ្វើឱ្យស្រីស្រស់ IU ដែលជាតារាចម្រៀងទោលម្នាក់នេះឈរនៅលំដាប់លេខ ២ ប្រចាំខែនេះ។

3 - Kim Jiwon - 354,267 ពិន្ទុ
ក្រោយពីសម្តែងក្នុងខ្សែភាពយន្តរឿង Descendants of the Sun មក Kim Jiwon ត្រូវបានគេលើកឡើងពីឈ្មោះរបស់នាងនៅគ្រប់ទីកន្លែង ហើយក៏ធ្វើឱ្យនាងជាប់ចំណាត់ថ្នាក់លេខ ៣ ជាតារាស្រីដែលមានឥទ្ធិពលជាងគេប្រចាំខែ ឧសភា នេះផងដែរ។

ក្រៅពីនេះក៏មានឈ្មោះតារាស្រីល្បីៗជាច្រើនទៀតផងដែរដូចជា Kim Soo Jung, Kim Tae Hee, Kim So Hyun, Park Na-Rae, Victoria & Shin Min Ah ជាដើម៕