4 ក្រុមនេះមិនយូរប៉ុន្មានទៀតទេពិតជានឹងរំសាយក្រុមដែរហើយ!

ខណៈក្រុមចម្រៀងប្រុសស្រីជាច្រើនចាប់ផ្តើមបង្ហាញខ្លួន ក៏មានក្រុមចម្រៀងមិនតិចដែរដែលពន្លិចខ្លួនទៅវិញដោយការរំសាយ។ ជាក់ស្តែង T-ARA និង SISTAR ជាដើម ជាក្រុមដែលប្រកាសរំសាយចុងក្រោយគេបង្អស់ក្នុងពិភពសិល្បៈចម្រៀងសម័យកូរ៉េ។ ក្រៅពីនេះក៏មានឭល្ហិចល្ហៀងមកថា ក្រុមចម្រៀងស្រី ៤ ក្រុមខាងក្រោមនេះក៏ជិតនឹងរំសាយផងដែរ។

1 - f(x)

ចាប់តាំងតែពីឆ្នាំ ២០១៥ រហូតមកទល់នឹងពេលនេះ ក្រុមចម្រៀងស្រី f(x) មួយនេះមិនដែលចេញអាល់ប៊ុម ឬបទចម្រៀងថ្មីសោះតែម្តង ដោយសមាជិកទាំង ៤ ហាក់មមាញឹកនឹងការងារទោលរៀងៗខ្លួន។

2 - miss A

ចាប់តាំងពី Jia ចាកចេញពីក្រុមតាំងពីឆ្នាំ ២០១៦ មក miss A នៅសល់សមាជិកសរុបត្រឹមតែ ៣ នាក់តែប៉ុណ្ណោះ។ រហូតមកទល់នឹងពេលនេះ ដំណឹងនៃការវិលវិញជាមួយបទថ្មីរបស់ក្រុមនេះមិនត្រូវបានអ្នកណាមួយដឹងសោះតែម្តង។ នេះក៏មិនខុសអីពីក្រុមខាងលើដែរ សមាជិកម្នាក់ៗមមាញឹកតែនឹងសកម្មភាពទោលរៀងៗខ្លួន។ ឱ្យតែបែបនេះទៀត មុខជាមិនយូរទេ miss A ពិតជានឹងបាត់ស្រមោលដែរជាមិនខានទេ។

3 - After School

ក្រុមនេះចេញអាល់ប៊ុមចុងក្រោយមួយតាំងតែពីឆ្នាំ ២០១៤ មកម្ល៉េះ ហើយរហូតមកទល់នឹងពេលនេះ គ្មានដំណឹងអ្វីថ្មីទាល់តែសោះ។ ដោយសារសមាជិកភាគច្រើនផ្តោតតែលើរឿងសម្តែង អនាគតរបស់ក្រុមនេះក៏ពិតជាមិនខុសអីពីពីរក្រុមខាងលើដែរនោះទេ។

4 - Unnies

ក្រោយពីចេញបទ "Right?" ដែលធ្វើឱ្យក្រុមនេះល្បីឈរនៅលំដាប់លើគេក្នុងតារាងចំណាត់ថ្នាក់បទចម្រៀង ពេលនេះក្រុមចម្រៀងស្រីមួយនេះហាក់ស្ងាត់ឈឹងនៅទ្រឹងមួយកន្លែងតែម្តង។ បែបនេះគេប្រាកដជាមិនអាចស្មានបានឡើយថាតើ Unnies នឹងបន្ត ឬក៏បញ្ចប់នោះទេ?

ប្រភព៖ ព័ត៌មានកូរ៉េ