គ្រូ MMA ប៉ះគ្រូថៃជីអួតមុនវៃ មានអីតែ ១០ វិនាទីគ្រូថៃជីដេកស្តូក!

លោកគ្រូ Wei Lei គិតថាក្បាច់គុនថៃជី ដែលលោកបានហាត់ ព្រមទាំងបង្ហាត់សិស្សអស់រាប់សិបនាក់ និងច្រើនឆ្នាំមកហើយពិតជាអាចលេងគ្នាបានជាមួយនឹងអ្នកប្រកួតក្នុងទ្រុង Xu Xiaodong ដែលល្បីនៅប៉េកាំងបាន។​ ថ្ងៃមួយអ្នកទាំងពីរស្រាប់តែមានឱកាសបានជួបគ្នានៅក្នុងរង្វង់មនុស្សជាច្រើនដែលនាំគ្នាឈរមើល ព្រោះចង់ដឹងថាតើ ថៃជី និង MMA មួយណាឈ្នះមួយណាចាញ់? ការប្រកួតបានចាប់ផ្តើម ហើយថែមទាំងមានអាជ្ញាកណ្តាលផងដែរ។ ត្រឹមតែជាង ១០ វិនាទីយ៉ាងខ្លី មានអី MMA ព្រលះថៃជី ឱ្យដេកស្តូក ជាំមុខ បែកមាត់តែម្តង។
 

នៅមុនការប្រកួតចាប់ផ្តើម គេក៏បានរៀបចំជាកិច្ចសម្ភាសមួយជាមួយនឹងលោកគ្រូបង្ហាត់ក្បាច់គុនថៃជី រូបនោះផងដែរ។ លោក Wei Fei ប្រាប់ថា "ក្បាច់រន្ទះ" របស់លោកគឺសម្រាប់ទុកគ្រាន់បង្ហាត់តែសិស្សដែលទើបចូលរៀនដំបូងតែប៉ុណ្ណោះ។​ ពេលធ្វើការហាត់រៀនឱ្យកាន់តែស៊ីជម្រៅទៅតាមក្បាច់ក្នុងប្រវត្តិសាស្ត្រក្បាច់គុនចិន លោកនៅមានរឿងជាច្រើនទៀតដែលត្រូវរៀន និងហាត់ផងដែរ។ ក្រោយការចាញ់អ្នកប្រដាល់ MMA មក អ្នកប្រើប្រាស់អ៊ីនធើណេតមិនតិចនាក់ទេដែលចោទថាលោកជាមនុស្សបោកប្រាស់ ហើយក៏ធ្វើការរិះគន់ផងដែរថាក្បាច់គុនល្បីរបស់ចិនបែរជាអន់ជាងក្បាច់ MMA ឆ្ងាយណាស់។ អួតមុនលទ្ធផលអញ្ចឹងស្ពឹកមុខមិនស្ទើរទេលោកគ្រូ!