PSY គូសរូបបង្ហាញពីរបៀបរាំក្នុងបទចម្រៀងថ្មីរបស់ខ្លួនដែលទើបចេញសប្តាហ៍មុន
ក្រោយពីបានចេញបទថ្មី រួមជាមួយនឹងវីដេអូសម្តែងពីរបទផងនោះ ពេលនេះអ្វីដែលគេចាប់អារម្មណ៍ និងលើកឡើងយកមកនិយាយពីអាល់ប៊ុមទី ៨ របស់ PSY ដែលមានស្រីស្រស់ Naeun សមាជិកក្រុមចម្រៀងស្រី Apink សម្តែងអមផងនោះគឺជាក្បាច់រាំងដ៏ក្រមិចក្រមើម និងរស់រវើករបស់ PSY ក្នុង MV បទ "NEW FACE" តែម្តង។ ថ្មីៗនេះ PSY ក៏ទើបតែបានបង្ហោះគំនូរបង្ហាញពីក្បាច់រាំរបស់ខ្លួនឱ្យគ្រប់គ្នាបានឃើញ និងអាចរៀនរាំតាមបាន។
ក្នុងនោះ PSY បានចែកក្បាច់រាំរបស់ខ្លួនជា ៣ ជំហានដោយផ្តើមចេញពីការឈរជ្រែងហោប៉ៅធម្មតា។ ឯជំហានទី ១ មើលទៅដូចទៅនឹងក្បាច់រាំងបែបកាន់ខ្សែជិះសេះក្នុងបទ Gangnam Style ដ៏ល្បីល្បាញរបស់ខ្លួនកាលពីឆ្នាំ ២០១៣ ហើយថែមទាំងមានស្រីស្រស់ Naeun ឈរឱបដៃនៅពីក្រោយ។ ជំហានទី ២ ងាកមុខទៅស្តាំ យកដៃឆ្វេងដាក់បាំងថ្ងាស ដៃស្តាំទម្លាក់ស្មើចង្កេះ។ ជំហានទី ៣ បែរមកមុខចំ ដៃស្តាំបោះមកមុខ ដៃឆ្វេងចាប់ដៃស្តាំត្រង់ចង្កួចដៃ។ ទាំងក្នុងប្លង់ជំហានទី ២ និងទី ៣ គឺមាន Naeun ឈរឱបដៃនៅពីក្រោយដូចជំហានទី ១ ដែរ។ ប្រិយមិត្តដែលចង់រៀនរាំតាម PSY អាចមើល និងធ្វើតាមជំហានខាងលើបាន ឬក៏ហាត់រាំតាមវីដេអូខាងក្រោមនេះតែម្តងក៏បាន៖
Post a Comment