ចូលរួមត្រឹមតែក្នុង ១ កម្មវិធី ហ្វាន ពីងពីង ស៊ីថ្លៃស្មើនឹង​វីឡា​ប្រណីត​ ២ នៅ​បូរី​ប៉េងហួត!

ស្រីស្រស់ ហ្វាន ពីងពីង ពេលនេះគឺជាតារាស្រីលំដាប់ A នៅប្រទេសចិន។ កុំថាឡើយទាល់តែសម្តែងក្នុងខ្សែភាពយន្ត សូម្បីតែតម្លៃខ្លួនដើម្បីអញ្ជើញនាងឱ្យទៅចូលរួមក្នុងព្រឹត្តិការណ៍ ឬកម្មវិធីអ្វីមួយបើបានដឹងហើយព្រឺសម្បុរខ្ញាកៗតែម្តង។ ប្រិយមិត្តដឹងថាតើអញ្ជើញ ហ្វាន ពីងពីង ទៅចូលរួមក្នុង ១ កម្មវិធី គេត្រូវចំណាយប្រាក់ប៉ុន្មានដែរទេ?

សូមប្រាប់ឱ្យដឹងថា តម្លៃខ្លួនរបស់ហ្វាន ពីងពីង ក្នុងការអញ្ជើញឱ្យទៅចូលរួមក្នុងកម្មវិធីមួយគឺថ្លៃ 2.8 CNY (ពីរលានប្រាំបីសែនយ័ន្ត) ។ បើគិតមកជាប្រាក់ដុល្លារវិញគឺស្មើរជាប្រហែល 406,714 (សែសិបម៉ីនប្រាំមួយពាន់ប្រាំពីរយដប់បួនដុល្លារ) ដុល្លារអាមេរិក។ នេះមានន័យថា តម្លៃខ្លួនរបស់នាងបើយកមកទិញផ្ទះល្វែងដូចជាបានច្រើនជង់គួរសមដែរ។ តែបើមិនចង់នៅផ្ទះល្វែង ហើយចង់នៅផ្ទះវីឡារបស់បូរីប៉េងហួត ដែលសង់មានគុណភាពខ្ពស់តាមបទដ្ឋានបច្ចេកទេសនៃការសាងសង់នោះគឺអាចបានវីឡាដ៏ស្រស់ស្អាត ២ នៅយ៉ាងរំភើយ។

មូលហេតុដែលតម្លៃខ្លួនតារាស្រីចិនដែលមានទ្រព្យសម្បត្តិច្រើនមហាសាលម្នាក់នេះមានតម្លៃខ្លួនខ្ពស់គឺមកពីនាងជាតារាស្រីជួរមុខ ឬវ៉ាដាច់តារាស្រីចិនល្បីៗទាំងអស់តែម្តង។

តាមរបាយការណ៍ក្នុងស្រុករបស់ចិនឱ្យដឹងថា គឺមានតែ ហ្វាន ពីងពីង ម្នាក់គត់ដែលមានឈ្មោះក្នុងបញ្ជីតារាដែលមានតម្លៃខ្លួនជាង 2 លានយ័ន្ត (290,510 USD) ក្នុងការអញ្ជើញចូលរួមក្នុងមួយកម្មវិធី។

Wu Xiubo

ចំណែកតារាប្រុស Wu Xiubo ឈរនៅលំដាប់ទី ២ បន្ទាប់ពី ហ្វាន ពីងពីង ដោយបុរសពុកមាត់ម្នាក់នេះចូលរួមក្នុងមួយកម្មវិធីស៊ី 1.8 CNY (មួយលានប្រាំបីសែនយ័ន្ត) ដែលត្រូវប្រហែលជា 271,459 ដុល្លារអាមេរិក។

Huang Xiaoming

ចំណែកតារាសម្តែងប្រុស Huang Xiaoming និងតារាចម្រៀងតៃវ៉ាន់ Jay Chou ឈរនៅលំដាប់លេខ ៣ ដូចគ្នាក្នុងតម្លៃខ្លួន 1.5 CNY (មួយលានប្រាំសែនយ័ន្ត) ដែលត្រូវប្រហែលជា 217,886 ដុល្លារអាមេរិក។

Jay Chou

ក្រៅពីនេះ មានតារាប្រុសស្រីចិនល្បីៗជាច្រើនរូបទៀតដូចជា Jackie Chan, Donnie Yen, Jet Li និង Andy Lau ជាដើមដែលគេមិនបានដឹងពីតម្លៃខ្លួនរបស់ពួកគាត់ថាតើចូលរួមក្នុងការចូលរួមមួយកម្វិធីស៊ីថ្លៃប៉ុន្មាននៅឡើយទេ។ សង្ឃឹមថាថ្ងៃណាមួយ ហ្វាន ពីងពីង នឹងត្រូវបានគេអញ្ជើញឱ្យមកចូលរួមកម្មវិធីនៅខ្មែរ ហើយយកតម្លៃខ្លួនដែលទទួលបានទៅទិញវីឡាដ៏ស្រស់ស្អាតមួយនៅបូរីប៉េងហួតទុកជាអនុស្សាវរីយជាមិនខាន៕

ប្រភព៖ សារព័ត៌មានចិន